Euver ós

O.l.v. dirigente Carina Corbeek rippeteert Doeën Beejein iddere maondaagaovend in Café Feestzaal Boostenhof, Heymansstraat 125 in Venlo (Boekend). 't Rippertoire besteit haufzakelik oét film- en popmeziék en zal óg haos allemaol bekind in de oére klinke. De tekste, van geveulig wies humoristisch en van ingetaoge wies swingend, zien allemaol in 't Venloos dialèk, vreej vertaald of zelfs kompleet niej. Daorum is Doeën Beejein erg verrassend!

Inkele van ós nummers zien: 'Afrika' van Toto', 'Fore Once in you Life' van Stevie Wonder, 'Is she really going out with Him' van Joe Jackson en 'May it be' van Enya, maar door de nieje tekste zien de leedjes aevel gans veranderd van thema en/of sfeer. Dees tekste zien geschreve door Peter Jansen (bekind van 't vastelaovesduo Jansen en Janssen) en van  Han Wingbermühle en Marc Peters, beide tenore beej Doeën Beejein. Ein aantal van ós moeëje arrangemente zien van de hand van ós eige dirigente Carina Corbeek.