In de Tante Bet (krant)
Waat eine opstaeker!
Op 19 maart 2022 intelik weer ein optraeje met Doeën Beejein. Jao, weej hebbe zörg gehad: haos 2 jaor amper kinne rippetere door de corona-maotregele, en ein aantal leeje hebbe 't besloét genaome um te stoppe. Waat ein gelök aevel, det weej daonao tóch weer 7 nieje leeje hebbe meuge welkom heite.
Allemaol meuste weej stevig aan de bak um diverse nieje nummers in te studere, en bestaond rippertoire op te poetse. Rissultaat: ós ieërste optraeje in Sevenum beej Sing Challenge (op zaoterdaag 19 maart 2022) waas geliék ein groeët suukses!! Met as bekroeëning ein vermelding in de Tante Bet mét foto en al. Weej neteurlik allemaol gruuëts 'wie ein aap met zeve sterte' 😀.
Inmiddels hebbe weej in april auk nog ein beejdrage meuge levere aan ein moeëje benefiet-aovend veur Birgit Keuten-Verkoeyen (stichting BirgitWilVooruit) beej Ut Gildehoés. Waat veult 't good um weer 'Up and Running' (in 't good Venloos 😉) te zien. Weej zien met nieje energie drök bezig met nog vuul miër niej rippertoire en kinne neet wachte um ós euveral te laote huure.
Weej zeen ós!
Weej gaon weer beginne
Nog gen evenemente op de agenda, aevel haopelik verandert det snel. De rippetisies gaon weer beginne, en aangevöld met inkele nieje leeje (soprane, alte, mezzo's, tenor en bas) werke weej al sinds aafgelaupe zomer aan niej en bestaond rippertwaar. Det belaof waat...! 🙂
Wies dan!
Doeën Beejein en De Flarussen 2019
Auk dit jaor in november 2019 make weej weer deil oét van de veurstellinge van de Flarussen.
Wat Un Plaetje!
Doeën Beejein en De Flarussen 2018
In november 2018 haet Doeën Beejein as muzikale ondersteuning deilgenaome aan de veurstellinge van de Flarussen. Det bleek veur alle partieje ein geslaagde missie! De ónderlinge sfeer waas super en alzoë eindigde alles in ein groeët fees!
Kiék maar ens beej 't fotoalbum...
Geslaag Lustrumkonsert van Doeën Beejein 2 april 2017
Lustrumconcert
Op zóndaagmiddaag 2 april 2017 vierde Doeën Beejein 't ieërste lustrum met ein concert. Weej zónge o.l.v. ós dirigente Carina Corbeek a capella diverse pop- en musicalnummers, die veurzeen zien van joeksige en/of geveulige Venlose tekste. De gastoptraejes, verzörg door vocal group In the Mood en Venloos mannenkoeër De Meulezengers, beide o.l.v. Marianne Maessen-Scherjon ware auk prachtig.
Ein groeët kopliment krege weej van ein van ós vaste tèksschriévers Peter Janssen, auk bekind as schriéver en zänger van diverse vastelaovesleedjes: Weej vertolke de leedjes persiés wie hae 't bedoeld had! Dao zien weej grúuëts op!!
Weej kinne truukkiéke op eine ziër geslaagde middaag met muzikale vrinde en ein prachtige zaal, 't Zaelke in Tegele, vol bezeukers.
Kop
Dit is een paragraaf. Klik hier om tekst toe te voegen en te wijzigen. Dit is een perfecte plek om een verhaal te schrijven en/of informatie te delen met uw website bezoekers.